خمسة وعشرين يناير هلت علينا البشاير
بالزجل باكتب حقيقة والحمام فى الجو طاير
الجنود كانوا فى عركة والدما كان زى بركة
الاحتلال قاوموه وعدوا ألف حاجز ألف ماركة
الإنجليز كانوا ف بلادنا والضلام كان فوق حدودنا
هبت الثورة القوية حررت أسوار بلادنا
والجنود أولاد عمومة فلاحين فتحى وتوما
يصنعوا النصر لبلادنا مهما كان أمر الحكومة
كانوا هما بوليس مكافح فى السويس بالجهد كاسح
وإسماعيلية شاهدة ليهم والتاريخ عمره ما سامح
ذكريات شرطة شريفة صاحبة اليد العفيفة
من سنين فاتت علينا مصراوية إيدين نضيفة
ليها ألف سلام تحية ع البيانو وع الربابة
تسلم الشرطة العفية تكشف اللعبة الخفية
تبقى دايماً حصن لينا ألف عام م العمر جاية
