أنت مسلم أو مسيحى أو يهودى كله دين.. أنت مصرى بقلب مصرى تبقى أخ إنشاالله مين.. أنت مع ربك بقلبك.. والعقيدة لك لوحدك.. والديانة فى أى خانة.. مش هتفرق يكفى بس الميم وسين.. فيها مسلم أو مسيحى كلنا على أرض واحدة مواطنين!.. أنت «جرجس» أو «محمد» مش هتفرقنا الأسامى.. أنت فى كنيسة ومسجد أخوة ومحبة ووئام.. أنت مصرى بأى حال.. بالصليب أو بالهلال.. أنت «فاطمة» أو «تريزة».. يبقى مش أرد السؤال.. هل ده مسلم أو مسيحى أو يهودى كله دين؟.. المهم إن إحنا وحدة أرض واحدة وإحنا فيها مواطنين.. المسيح لما نزل ع الأرض كان دعوة سلام.. والرسول لما بعث كانت رسالته أعظم كلام.. الخطأ مش فيك وفيه.. بس فى أياد خفية.. نفسها تفرق ما بينا.. وإحنا مش هنقول آمين.. أنت مسلم أو مسيحى أو يهودى كله دين.. أنت مصرى بقلب مصرى تبقى أخ إنشاالله مين.. مصر واحدة وأرض واحدة وجبهة واحدة ضد أى معتدين!
.
