ياللى بلدك غالية عندك.. كل ليلة وبالنهار.. افتح لنا بالحب قلبك.. ثقف نفسك بالحوار.. ما تفضلش جوة صمتك.. ما تفرضش عليك حصار.. عيش فى وسط الناس وشارك.. كل فكر فى كل دار.. ناقش وابنى علشان بلدك.. افتح باب على كل جار.. قاوم الظلم بقلمك.. رد الطاغى والجبار.. ما تروجش لأى إشاعة.. دى فتنة وفيها دمار.. الحوار ده شىء جميل.. لو عرفنا إزاى يدار.. لو كلمة الحق تمشى.. ع الكبار قبل الصغار.. مش كل كلمة خناقة.. ولا كل لفظ انفجار.. ما تنظرش للى يخالفك.. نظرة لوم أو احتقار.. وفكر فى وجهة نظره.. وادى لرأيه الاعتبار.. ما تاخدش الجلسة وحدك.. الحوار مش احتكار.. أترك الفرصة لغيرك.. ما هو برضه اللى خفف زار.. فرض الرأى والتعنت.. مش نجاح فى الاختبار.. كل فرد وليه إرادة.. من غير ضغط بدون إجبار.. دى الحرية هى السعادة.. ومن شعارها الاختيار.. رجعوا الكلمة السوية.. وآداب فن الحوار.. ترجع الأخلاق ما بينا.. ويسرى حب فى كل دار.
