أنا ابن النيل ومهما أشقى هعيش قادر.. أنا ابن أكتوبر الشاهد على الحاضر.. يا ريت يللى بتسخر تقرا فى الماضى.. هتشهد حرفك الساخر.. كلام فاضى!! وتعرفنى وتعرف مصر ف العالى.. وتعرف إنى مش هيأس على حالى.. لا عمر الفقر خد من همتى وعلمى.. أنا الأغنى بفكرى وصبرى وبحلمى.. ومهما أتعب أنا قادر أقف تانى.. تاريخى واسمى يمنعنى أكون فانى.. أنا المصرى وعمر المصرى ما قال آه.. أنا ابن بلاد ما تركعشى لغير الله.. عليك يا مصرى تفخر إنك ابن لمصر.. عليك تتباهى وتغنى نشيد النصر.
