حاز الخبر المنشور تحت عنوان: «٦ أبريل توزع ٢٠ ألف منشور لدعوة المواطنين إلى مظاهرة ٢٥ يناير.. والداخلية: سنتعامل بحزم»، باهتمام قراء الموقع الالكترونى للمصرى اليوم حيث علق عبدالرحمن وليد قائلا: «مظاهرات مين و6 أبريل مين؟ هو انتو فاكرين إنكو تقدروا تغيّروا من حاجة؟ غيّروا من أنفسكم الأول! كام واحد فى المظاهرة دى حصل على شغل بالواسطة؟ وكام واحد مرتشى وكام واحد عديم الذمة والضمير مع نفسه قبل غيره؟ سيادة الرئيس محمد حسنى مبارك كان أعطى للبلد كتير.. البلد دى لو انضربت من بلد تانية.. أول واحد حتجروا عليه هو الرئيس.. لكن إحنا ممكن نتكلم ونقول رأينا بطريقة سلمية ومشروعة.. مش بالفوضى.. وإوعى تسوّل لك نفسك ياللى عايز تتظاهر إن الحياة حتبقى بمبى لو حصل فى مصر زى تونس»، وقال محمد فريد: «السؤال ليه 25 يناير؟ أيام السنة 365 ليه عيد الشرطة، «ذكرى موت رجال الشرطة أمام الاحتلال الإنجليزى»، ليه نسىء لكل ذكرى جميلة فى البلد؟ المرة الجاية الفوضويون، 6 أبريل، حتدعو إلى يوم 6 أكتوبر، مش كفاية موت السادات، الذى قتل فرحتنا بهذا اليوم؟، لو حصل لا قدَّر الله حاجة فى هذا اليوم، موت أو تخريب، حننسى الذكرى الجميلة للشهداء ونفتكر الذكرى المؤلمة.
