آخرتها إيه؟.. يا إما جنة يا إما نار.. نفسك فى إيه؟.. نفسك فى جنة ولا نار.. شِلْت الأمانة عن الجبال.. ليه الحرام وفيه حلال.. أهل اليمين غير الشمال.. وسابلك إنت الاختيار.. رب العباد عالم بينا.. مهما الحياة بتطول بينا.. هاتيجى لحظة احتضار.. أفعالنا دايماً محسوبة.. أعمالنا كلها مكتوبة.. لو عاصى لازم من توبة.. رب العباد رحيم غفّار.. الناس بتنسى ليه دينها.. دا الموت حقيقة وعايشينها.. الجنة فى ناس رافضينها.. ماشيين فى سكة تودى النار.. رب العباد بيحبنا.. وعشان نحبه عملنا إيه.. على الصراط بيدلنا.. لما الشيطان مادد إيديه.. وسواس فى ودن المؤمنين.. خناس بيلهى عن كل دين.. يفرح فى حالة انتحار.. أعداءنا هما الشياطين.. بالمسلمين متوعدين.. يتمنوا لحظة انتصار.. اعمل يا عبد لآخرتك.. مابقولشى تنسى دنيتك.. لاجل ما تكسب جنتك.. سبح فى قلبك ليل نهار.
