لا الكوسة مستوردة.. ولا من فرنسا خيار.. تجارنا ليه متنمردة.. وتزود الأسعار.. مين اللى يرضى بده.. ويقول بلد أحرار.. فى ناس ومتسيدة.. وقلوبنا راح تنهار.. وحكومة متبغددة.. عايشة الحياة كاڤيار.. وأولادنا متشردة.. مش لاقية عشة ف غار.. وخلق متنكدة.. وإزاى حنبنى جدار.. والرحمة مستبعدة.. والنار بقالها شرار.. تحرق وطول المدى.. مسيرها تبقى دمار.. ولو وصلنا لكده.. حيبقى ذل وعار.. قابلنى ف السيدة.. وادينى نص دولار.. يمكن ننول الرضا.. والليل نشوفه نهار... نسمع ف يوم الندا.. ويكون مابينا حوار.. وإن قلت ليه كل ده.. أروح ورا الأسوار.. وروحى تبقى فدا.. وتكملوا المشوار.. نفوقوا م الهم ده.. يوم نكشف الأسرار.. وإمتى يا مسعدة.. الأرض تبقى خضار.
