ابكى يامّايا.. على شعب حر.. فيهم ناس مننا بالاسم هجموا عليه سرقوه.. داسوا بجزمهم كرامته ولسه بيذلوه.. ابكى يا ولدى على يوم فيه اتولدت.. واصرخ وعلى عويلك وخش بىّ الفحت.. ادفن تاريخك.. اللى شكله باينّه خداع مزينينه كلام بالكدب.. سمعت صوتك يا ولدى يقوللى بابا لأ.. سمعتك تنادى هارجّعلك معانى الحق.. إيدك تشد فى إيدى.. ندافع عن أمى يا بويا وأمك.. تعالى نمسح همومها وهمك.. مسير الطوق يتكسر بالخبط.. ومسير عيالنا تقوى الإيدين وتخط.. الوعد منى بعون الله.. بكرة هاخلى الحرامى يجرى مرعوب مفزوع وينط.. لما نذله.. ويدخل جهنم زى الغطيس غرقان.. شد دراعك فى إيدى ياللا شد.. خلى إيدنا للحياة وبكرة تمد.. ننجى بلدنا وهى تعدى الجسر.. ونعد اللى باقى من عيالها عد.. عاشقك يا حتة من كلى.. غطى جبينك بالطرحة والتوللى.. لمينا تانى يامّايا حضنك وعطريه بالفلى.. بحبك أصلك حقيقتك أمى.
مهندس
