إعصار الانتحار دخل بلدى.. وجوه مصر مصيبة صارت راجت على كل دار.. اللى مات مشنوق.. واللى انتحر محروق.. واللى بيبتكر!!.. خلاص بقت موضة إننا نموت كفار!!.. وكل مصيبة نجرى نقول ننتحر ونلفت إلينا الأنظار.. على حجة أن الانتحار زهق وفقر وعيشة نار.. طب يللا ننتحر ونجيب إخواتنا وولاد الجيران.. وينزّلونا على الفيس بوك كمان، ويعيط علينا فلان وفلان.. ويقولوا الشاب كان عريس.. رفضوا يجوّزوه البت لميس.. بس أهو تافه وموّت نفسه زى المهاويس!!.. وإوعى تكون ياللى مت منتحر..
فاكر إنى فى يوم بلدك بيك هتفتخر.. خلاص خلصت إرادتكم؟؟ يااللى فى يوم حررتم أراضيكم.. يااللى الأعادى خافت من نظره الصقر جوه عنيكم.. يااللى دماكم سالت وقالت شهيد أنا وبدمى أفديكم.. يااللى الحرية اتعرفت من معانيكم.. يااللى سطرتم اساميكم.. وفى كل تاريخ كنتم فيه وكان فيكم.. وإذا شمس اليوم غربت عليكم بكرة هتشرق على أولادكم وضى عنيكم.. وبعلو صوتكم صحوا إرادتكم.. كونوا لبلادكم أحسن مثال.. واعرفوا أن مش كل اللى مات اتعملّه تمثال!!
