مصر أمنا كلنا.. فيها المسلم والمسيحى.. أخويا وأمى وأبويا.. صاحبى وابنى وجارى.. وحب بلدنا فى دمى.. وهو فرحى وهمّى.. الوطن غالى علينا.. نفديه بروحنا وعنينا.. لا إرهاب يأثر فينا.. ولا أى شىء يأذينا.. ما دمنا مع بعضينا.. هلال وصليب يحمينا.. يا مصر يا ضى عنينا.. جرجس ومحمد أهالينا.. واسمع بقى منى يا خالى.. مصر الغالية فوق فى العالى.. واللى بيجرى واللى جرالى.. هيربطنّا وأسأل غالى.. هنصمد أيوه للإرهاب.. ومفيش بينّا قانون الغاب.. طول عمرنا دايمًا أحباب.. فاطمة مريم نانسى رباب.. ومادام الرب لينا راعى.. قولوا للفتنة دا مفيش داعى.. إحنا يا عالم مصريين.. ولحب بلدنا مخلصين.. رغم أنف الحاقدين.. هنحمى بلدنا ليوم الدين.. علشان إحنا المصريين.. علشان إحنا المصريين.
مركز الإسكندرية للإبداع
