عزيزى محافظ إسكندرية.. اسمع نصيحتى الأخوية.. عشان تبقى الناس مرضية.. قفّل الحضّانة الغبية.. وصلّح الشوارع الخلفية.. ورسّم مبانى عشوائية.. ومن الزقايق شيل الزبالة.. بلاش تغريم القهوجية.. عشان ممنوع شيشة وحمية.. أولى نصِّف المحمودية.. وتحول العاطلين عمالة.. والسريحة بشهادات عالية.. بيتاجروا فى بشايع صينية.. تتصادر يبقم حرامية.. يشتغلوا هجامة وقتالة.. فى السوق واقفين خضرية.. ستات رجالة أرزقية.. تبعت عصابة م الداخلية.. شغالة للبضايع شيالة!.. إنتفاضة تونس شعبية.. عشان ظابطة بلا إنسانية.. حافظ ع الأمة المصرية.. إزاى؟ الغى شرطة الإزالة.. فلحسة وتقاليد غربية.. وخصام الأمة العربية.. والبرنيطة محل الطاقية.. كفاية كده وبعدين الكمالة!!
بالمعاش - المكس
