تونس الخضراء.. عرفوا ولادها يجيبوا حرية.. رفضوا يكونوا للظلم ضحية.. أو حتى رؤوسهم محنية.. فى حتة شهر ثارت ثورة جامدة قوية.. قام بركان من تحت رماد.. قام يحطم كل فساد.. جه ورمى نفسه فى وسط النار.. شاب بسيط ضحى بنفسه علشان يصحى ألف ومية.. قولت ساعتها إمتى تعدى كرة التلج علىّ.. هاه يا بلدنا.. هاه يا شبابنا سامعين صوت الحرية.. عجباكوا؟ سمعتوها وهتقولوا هنفدى بلدنا وبإخلاص.. وبعين مرفوعة ونفس رضية.. من غير ما نحطم دكان ولا حتى نولع إنسان.. هنعمل ثورة هيشهد عليها كل زمان.. مش هعمل وقفة ولا مية.. ولا هشتم وأهين الحرامية.. بس هقول وبنفس أبية مصر يا بلدى يا غالية علىّ.. يا أرض كبيرة تسع ميت مية.. من أرضك عرفوا الحرية.. جاية الثورة ومش هتكونى فى يوم محنية!!
