عندى حل يريح مصر.. مصر عايشة ف أسوأ عصر!.. عُسر وخُسر مالهوش حصر.. متهانة والله بعد النصر.. أغراب وصهاينة قاصدينها.. عاوزينها تطلع من دينها.. ويكسرو لها عضمها كسر.. محتاجة قرار زعيمى يعينها!.. ممنوع أجنبى يعتبها.. مرتب أموره يشقلبها.. (محمد على) جاب متاعبها.. طمع فيها اللى مغلبها.. بنزايون اتغلب وهادنها.. هف بترولها ومعادنها.. عاوزين الدنيا ما تولعش.. حباية رمل ما تتباعش.. ما هو اللى يروح ما بيرجعش.. زى السودان مقسمينها.. ابدأ يا زعيم بالتأميم.. وبترجيع حقوق المظاليم.. وابنى لنا سور مصر العظيم.. أصل السواح مش معازيم.. عدا مصر على طول قاصدينها.. لو صحت ييجوا منيمينها.. شيطان لئيم والرب كريم.. دا مسيحى ومسلم حاميينها.
بالمعاش
alikacem2002@yahoo.com
