عايشين وسنين عمرنا ضايعة.. وحروف الكلام ناقصة ومايعة.. لو بأحلم حلم أنا لىّ حدود.. باسمع ف وعود ولا لىّ وجود.. فين ما بروح باشوف الناس كلها بايعة.. ما بقاش ف حياتى غير الأحلام.. وألقانى ف عز ما باصحى بأنام.. مفيش خطوة نروح قدام.. ما أملكش ف إيدى غير أوهام.. والدنيا لحلمى ما هيش سايعة.. وكأنى طير بجناح مجروح.. ما عرفش باغنى ولا بانوح.. وباشوف الناس تتباع بفلوس.. وكأنى ف سوق لبقر وجاموس.. والليل قدامى وفين ما بروح.. فيه ناس على إيد الناس تبوس.. وناس تعلى وع الناس بتدوس.. وضعاف ف نفوس وضمير محبوس.. والناس كلها شايفة وسامعة.. وحياة الناس كلها ضايعة.
