هتصلى يا قبطى وأنا هبقى عليك حارس.. مهما كانت علينا الأحقاد بتتمارس.. هتصلى فى عيدك وهتنعى شهيدك.. إيدك فى إيدى نواريه الثرى.. نمحى بإيدنا كل اللى جرا.. ونبنى ونعمر تانى أماكن الصلاة.. دق جرس الكنيسة وارفع صوت الأذان.. صلى معايا وسمع صلواتنا فى كل مكان.. دمنا واحد هيفضل مهما طال الزمان.. وفى قلب مصر يجمعنا الحب والأمان.. ونوحد صفوفنا دايما ضد الخاين الجبان.. صلى يا قبطى وانا هبقى عليك حارس.. دى فتنة خارجية عايزة حكيم فارس.. لازم نعالج أخطاءنا بعقل واعى دارس.. ونقتل بذور الفتنة ونطرد الشيطان.. اللى وسطينا جالس.. هدفه إنه يفرقنا والرب هو الحارس.. صلى يا قبطى مهما الأحقاد تتمارس.
