علشان دماء الشهداء ما تروحش هدر.. هنخلى دمه زى حبات المطر.. نشتم ف أمه نلعن ف أبوه.. وسلسفيل اللى جابوه.. عذبوه.. مين اللى قال إنه بشر.. إوعوا قلوبكو تبقى ألين م الحجر.. استجوبوه.. اسمك إيه ياض؟.. سيد بلال.. برىء يا بيه.. وعندى عيال.. والله ده أنا راجل ف حالى.. ورزقى كله بالحلال.. ارموه.. ف زنزانة بعيد.. مكان ما راح خالد سعيد.. أنا عايزوا ييجى يعترف.. لو حتى تكووه بـ سيخ حديد.. لو حتى هيموت بين إيديكو.. وهو مات بجد.. والله دا الظلم ف عنيكو.. فاق كل حد.. مات بين إيديكم الجبانة.. فاحت ريحتها بالعفانة.. بينكم وبين الجنة سور وألف سد.
