يا بابا حسنى.. مع حفظ الألقاب والمقام.. لك كل تقدير واحترام.. اسمح واسمع منى كلمة.. ودمعة فرت غصب عنى يا بابا حسنى.. القبطى دا جارى وحبيبى.. واللى يمسه مسنى.. والوحدة مش حبة صور.. أبوسه فيها ويبوسنى.. الوحدة بروحى أبقى حارسه.. وهو بروحه حارسنى.. القبطى له حق ومطالب.. تجاهلها غايظه وغايظنى.. ليه لما نصرخ نلاقى.. الأمن داهسه وداهسنى.. عايز تخلى لأوجاعنا آخر.. الحل مش أمن وعساكر.. الحل عدل وحب غامر.. ساعتها هيبقى الكل شاكر.. وهتبقى وردة شايلها غصنى.. يا بابا حسنى.
