بينى وبينك.. ألف 100 مليون حنين.. شجر.. تراب.. وعرق جبين.. بينى وبينك صحن فول.. وحى الأزهر والحسين.. وفقر غول.. وعيشة طين.. بينى وبينك معتقل.. وسجون تلم الطيبين.. وعيال يروحو المدرسة.. وشباب يضيعو حيرانين.. بينى وبينك مركبة.. مش عارفة بس تروح لفين.. شط الزمالك ردها.. وإمبابة إدت ضهرها.. وآديها سارحة من سنين.. بينى وبينك اللى فاكر نفسه عالم.. والغلابة الفلاحين.. واللى واقف يدعو ربه.. كل شىء بيقول أمين.. من حلاوة دعوته.. أو من قساوة المعتدين.. بينى وبينك سر.. بحلف له اليمين.. إنى متغرب فى حضنك.. بنده عليك إنتى فين؟
askar.osama@yahoo.com
