يا مصر خطى عتبة كلام الأعادى.. مسلم وقبطى فكيتو ليه الأيادى.. النيل ده مش قبطى ولا مسلم ولا.. النيل ده مصرى ومصر لينا كلنا.. الجرح مصرى وانا وانت مصرى.. دمك ودمى ع الأرض يسرى.. هاتقوللى مسلم.. هاتقوللى قبطى.. هأقول دا جرحك وجرحى مصرى.. عمر التاريخ ما كان جريح زى النهارده.. الدم نازل يوجع الأرض وترابها.. مين فينا يرضى بس مين واحنا فى نفس المركبة.. أول ما تغرق الغرقانين مسلمينها وقبطها.. مصر الأمينة بلد الأمان.. إرهاب دخلها قتل وخان.. للفتنة قام يفتح بيبان.. اقروا التاريخ وكان يا مكان.. لا فيها إرهاب استدام.. ولا صليب خاصم هلال.. مهما الأعادى قالوا كلام.. آخرة كلامنا المصرى قال.. يحيا الصليب مع الهلال.
