قالوا انتحارى انفجر دمر الإخوان.. قلت دا شيطان لا عاش ولا كان.. فجر ف قلوبنا الألم والغضب بركان.. واللى عمل كده مش ممكن يكون إنسان.. آه لو إيدى تمسكه لاعمله عبرة لكل ندل جبان.. فكرهم هنفترق؟! أبدًا.. ده احنا جدعان وهناخد بعض بالأحضان.. ده الشدة بتقرب مش بتبعد الخلان.. أحمد وبطرس وعلى صحبة وإخوات وجيران.. زينب ومارسيل وبيتر وإسلام وأختهم ماريان.. حبايب وإيد واحدة فى الفرح والأحزان.. جرس الكنيسة نسمعه وفى كل وقت أدان.. أحمد وعيسى رسل من ربنا الرحمن.. مصحف وإنجيل كتب من ربنا الديان.. دينى ودينك رسالة ود للإنسان.. وهنعمل م الهلال والصليب علم يرمز للحب والإيمان.. يا تاريخ إحكى واشهد فى كل وقت وأوان.. مصر دى أمنا والنيل أبونا وخلفوا إنسان.
