شهدائك يا مصر شهداء كل الوطن
ويد الغدر أدمنت قلوب كل الوطن
إرهابى ملهوش ملة خاين دينه وبلده
خلى الحزن علينا غيم وفى نفوسنا سكن
ماتقلش دا مسلم وماتقلوش دا مسيحى
أنا مصر أمهم وبيجرى فى دمهم روحى
واللى ماتوا ولادى والفتنة من الأعادى
يابنى ما تكرهش أخوك وتزود جروحى
شوفوا الملامح هيه هيه مصرية
نفس المشاعر والطيبة هيه هيه
مسلم مسيحى فرحنا واحد وحزننا واحد
بنصلى فى جامع بنصلى فى كنيسة وصلاتنا وطنية
يارب يا ساتر يا رب يا واحد
وحد قلوبنا على هدف واحد
واحفظ ود مصرنا الغالية
واحم شبابنا دى المركبة واحدة والمصير واحد
