الدم سال.. غطى الرصيف غطى الشوارع.. فرش المدينة.. من الكنايس للجوامع.. مش فارقة هو دم مين.. مسلم.. مسيحى.. مش فارقة صرخة مين.. أنا دلوقتى سامع.. الدم سال.. غطى القلوب.. غطى الشفايف والدروب.. غطى الحجر غطى الشجر.. من الشمال حتى الجنوب.. الدم سال.. من شب عابر ف الطريق.. الدم سال.. من طفل ذنبه إنه برىء.. الدم سال.. مين اللى هيطفى الحريق؟.. الدم سال.. عمال بيسأل ميت سؤال.. يا مؤمنين يا موحدين.. دا يرضى مين.. أنك تكون.. راسك هنا.. وإيدك هنا.. ورجلك هنا.. الدم سال عمال بيسأل ميت سؤال.. الأمن فين.. دا فى أى شرع وأى دين.. نشكى لمين؟.. مش دى بلدنا!!.. مش دا شرفنا وعرضنا.. مش مصر هى أمنا.. الدم سال عمال بيسأل ميت سؤال.. هتروحوا فين من ربنا؟!
nstar5100@yahoo.com
