دقّى يا أجراس عيد الميلاد.. دقّى غنى للعيد المجيد.. دا إحنا شعب الحب الأزلى.. الحب يتوه لو سابنا بعيد.. مصر الحضن والأمن لينا.. وحدة شعب تقول أناشيد.. مصر وطنَّا الساكن فينا.. تاريخنا كله علينا شهيد.. دقى يا أجراس صوتك عالى.. دقى وزيدى كمان تغريد.. ثورة سعد أكتوبر يشهد.. فينا جذر الحب مديد.. مصر هتفضل أم الدنيا.. مهما نار الحقد تقيد.. مهما حاقد حاول يفتن.. يلقى وطنَّا صموده شديد.. يلقى نسيجنا سد منيع.. ضد الموج أو ريح تهديد.. كنيسة وجامع رمز توحد.. سبعة يناير الوطن ف عيد.. عيد لمصر الشعب الطيب.. قلب بينبض حب أكيد.. جرس بيضرب جنبه أذان.. ينادى باسم الحب يزيد.. تلقى جناين طارحة محبة.. ترانيم حب فى كل وريد.. دقى يا أجراس قولى سلامك.. نسايم هالة بفرح سعيد.. جرس يرن مآذن تهتف.. تلقى الصورة منظرها فريد.. تلقى دموع الحب تسيل.. وقلوب بتلين لو حتى حديد.. سمانا دمانا ومسك ترابنا.. كنز الحب معانا رصيد.. كلنا شعب فى مركب واحد.. ع الخير والشر الإيد فى الإيد.. دقى يا أجراس قولى ترانيمك.. سبعة يناير الوطن ف عيد.
