الهلال والصليب على مر العصور.. محبوب وحبيب واسألوا العبور!! مصر جرجس وعبدالتواب.. إنجيلها وقرآنها حجاب.. ضد الفتنة والإرهاب.. غير كده إنت كداب!!.. يا أم الناس الطيبين.. يا ضحكة القلب الحزين.. من زمان فيك طمعانين.. منصانة من رب العالمين!!.. كل المساجد فى مصر بتنعى الكنيسة.. حتى الحسين والسيدة والست نفيسة.. يا رب احفظ مصرنا ببركة محمد وعيسى!!.. شعب فى وداع جماعى نور الشموع.. اتوحد شعوره وحماسه فى قلب واحد موجوع.. بكل إيمانه وإحساسه بيصلى ويدعى فى خشوع!!.. بالرحمة على اللى رحل وغاب.. وفارق الأهل والأحباب.. منه لله العنف والإرهاب!! مقسوملك يا مقدس جميل.. يستشهد ابنك نبيل.. من قبل ما يتمم الإكليل.. انطفى النور فى القنديل.. وبكى مع سعف النخيل.. بدموع ولا نهر النيل.. رحمتك يا رب الإنجيل.. الصبر يا مقدس ده القدر ملوهش بديل!!.. كل من راح شهيد.. ابن وأخ وحفيد.. أو حتى عريس جديد.. فى الجنة متهنى سعيد!!
