إيه هو معنى وطن.. كلمة سألها ولد صغير اسمه حسن.. ردت عليه جارتوا كريستينا.. وقالتوا الوطن «دا لأحمد ومينا»، الوطن دا زى ميناء.. واحنا جواها سفينة.. ومهما رحنا ومهما جينا.. على أرضه بترسى السفينة.. ياما على أرضه جرينا.. ومن نيله أتروينا.. صرخ حسن ونادى بصوته البرىء على الوطن.. قاله ليه سيبتنى أنام على الرصيف.. وبدل مروح المدرسة بصحى عشان أشحت رغيف.. ليه يا وطن سبت أبوحسن حقه يضيع.. ويقولوا عليه إنه وضيع.. عشان رفض فى يوم يبيع.. ليه يا وطن اختى ليلة اللى كانت بتحلم بعيلة.. وتخلف أطفال جميلة.. سبتها يقولوا عليها القطر فاتها.. وجوزوها لأى حد لتموت شليلة.. ليه يا وطن أخو حسن خريج الطب.. وأخويا خريج الفنون الجميلة.. يقضوا كل ليلة على قهوة خريج الكلية الفضيلة.. يا وطن أنا حسن بحلم يرجعلى بيتنا بتاع زمان.. بحلم تعالج أمى من السرطان.. قبل ميفوت الأوان.. بحلم بلقمة فطير.. وعيش كمان بس يكون من غير مسامير.. بحلم بلعبة وطيارة أطيرها طير.. بحلم وحلمى كبير.. إنى أشوف ضحكتك يوم من حررك من الطراطير.. وساعتها هزعق وأقول بصوت كبير.. أنا حسن ابن الوطن!!
كلية علوم بيوتكنولوجى
