أنا عايز أقابلك يا ريس وأقولك حاجات كتير.. ومش ح أوجع دماغك ف الشرح والتفسير.. ح أوجز لك ف السلام.. وح أركز ف الكلام.. وولادى ف رقبتك لو منعونى ورجعت بيتى ضرير!! أنا مجازف يا ريس ورزقى ع الفتاح.. وكل موضوع ح أقوله له عندى ميت مفتاح.. وأوعدك يا ريس ح أوجز بدون تفكير.. وح أقولك ع اللى تاعبنى.. واللى باشوفه ومجننى.. وح أوضحلك يا ريس أنواع الظلم الكبير.. اللى كل يوم باشوفه مع الشعب الفقير.. والناس الغلابة اللى بتدفع الفواتير.. أبص وأقول ولا يهمك يا مصر الرب ف التدبير.. بكرة تتعدل والخير يبقى كتير.. وأنا عارف حدودى يا ريس ف الكلام من أوله.. بس يارب أعرف أوصلك ومشوارى أكمله.. من غير ما حد ياخدنى وأحتاج أفهمه!.. ولو ما سمعتنيش يا ريس فيه رب ح أكلمه.. وإن سمعتنى يا ريس باب الجنة ح تضمنه.. وأدعيلك ربنا يوفقك ف كل حين ومين.. وأتمنى وأقول يارب أشوفك زى أمير المؤمنين!
