الدنيا ضلمة ونور حواليه.. وجانى طبيب قلّب فيا.. هما دقيقتين جه بص عليَّا.. وسابنى وراح ولا قالش كلام.. وأنا مش شايف غير أحلام.. وناس زعلانة بتقول يا حرام.. وكل أحبابى ماسكين ف إيديَّا.. إيه اللى حصل عندى قضية.. والموضوع ما أعرفش مداه.. وأنا مانطقتش كلمة آه.. وشريط سينمائى مر عليَّا.. بخيره بشره بكل ما فيا.. وبعد الدوشة سمعت سكوت.. وجانى ناس ومعاها طشوط.. شميت فيهم ريحة الموت.. وجانى حشد ورحت معاه.. وسابونى ف مكان خلص ف هواه.. وآخر واحد إدانى قفاه.. عرفت إنى فارقت الحياة!!
