آه م القطر وم الأتوبيس.. نص الناس هايموتوا فطيس.. م القطر وم الأتوبيس!! شفت بعينى يا ناس الزحمة.. فى الأتوبيس والقطر كمان.. شتا أو صيف ربكة وزحمة.. وياريت يرجع عصر زمان.. آخر خنقة وناس تعبانة.. وانت يا رب استرها معانا.. ناس بتدخن ناس بتزعق.. ودا بيقول مش عارف أنزل.. واللى بيجرى عشان يتعلق.. واللى بيسأل إمتى ها نوصل؟.. واللى يبص شمال ويمين.. وواللى يقول محفظتى أنا فين؟.. ليه فى القطر الناس بتدخن.. والأتوبيس وف كل مواصلة؟.. حاجة غريبة وحاجة تجنن.. فين الرحمة يا خلق يا أوصله؟.. فيه أطفال وكبار السن.. إمتى قلوبكم بس تحن.. مش بالذمة كفاية علينا.. طول السكة ياناس واقفين.. والتدخين راح يعمى عنينا.. وإحنا يا خلق ياهو ناقصين؟.. بكرة المولى يعدلهلنا.. ونركب تاكسى يريح بالنا!
