وطنى.. وطنى.. كله وطنى مجلس شعب وشورى وطنى
ومجالس حتى محلية كله تبع الحزب الوطنى
وأنا أصلى مصرى.. من أصل مصرى لكنى عايش غريب فى وطنى
لا ليه رأى ولا ليه حق أقول ده آه وأقول ده لأ
لو كنت غايب تلاقينى حاضر وأحط صوتى يضيع فى وطنى
مع إنى مصرى من أصل مصرى لكنى عايش غريب فى وطنى
وم النهارده مافيش معارضة الكل يسكت الكل يرضى
وغصب عنا سرقم آمالنا وزوروها باسم وطنى
وأنا كلى مصرى من أصل مصرى لكنى عايش غريب فى وطنى.
والشعب كله كبير صغير.. شاهد وعارف مين اللى زور
وكله يحكى ويقول لكله والسرقة علنى والنور منور
وأنا شفت مصرى بيقول لمصرى أدينى عايش غريب فى وطنى
يا رب إمتى نقدر نصلح والرأى يصبح لأهل وطنى
من غير مغالطة ولا أى غلطة ننهض ونكبر ونعيش يا وطنى
الرأى رأيك والشورى شورتك ولا أى مصرى غريب فى وطنى
مهندس - الزقازيق
