قوم ابدأ يومك بذكر الله.. ومتنساش الصلاة على ابن عبدالله.. وخلى تكالك يا مؤمن دايماً عليه.. هو اللى ينفعك فى الحشر يوم لقياه.. واوعى تفوتك مرة صلاة الفجر.. الخير كله فيها مالهوش حصر.. والدعوة فيها مقبولة بإذن الله.. ولو دعيت دعوتك باقية طول العمر.. ولله يا مؤمن سلم أمرك.. هو اللى عالم بيك وبأمرك.. واحمده دايما على عطاياه.. دا اللى بلاك قادر يسرك.. اصبر على قضاء الله ولا تندم.. بكرة تنول الرضا وفى جنته تنعم.. طول ما قلبك عمران بالإيمان.. وصافى النية لإخوانك والقلب تسلم.. وعاشر الناس دايماً بالحسنى والمعروف.. ولو نويت ع الخير الأقربون أولى بالمعروف.. واصبر على جار السو وادعى له.. دا الصبر فى القرآن مكتوب وموصوف.. وأحسن ختامك بأحسن الأعمال.. واترك الماضى وامشى فى طريقك عال.. وصلى ع المصطفى يشفعلك عند الإله.. تنول الهنا كله وتتعدل الأحوال.
