يا بابا نفسى أشوف الأطفال بيلعبوا بحب.. ويتعلموا من صغرهم المحبة اللى بتجمع الكل.. وبالخير تصبح الحياة حلوة للجميع.. والفرحة فى القلوب.. متربعة.. متجددة.. ونشوف أمانينا والبسمة على الوجوه الطيبة.. نفسى أشوفك يا بابا.. بتعلمنى أقرأ المفيد الحلو.. وإن أول مراحل الحياة هى الحب.. وتزرع فى روحى حبك يا مصر.. نفسى يابابا أطلع الصبح.. آلاقى الناس بالمحبة وبالنور.. يتعاملوا بسرور.. وبالاحترام مع بعض.. ونفسى مشوفش يابابا فى عيون الناس الحزن.. ونفسى مشوفش الأطفال بيرموا الورق على الأرض.. ومبيخربوش فى مبانينا ولا فى قطاراتنا ويتعلموا فى مدارسنا.. التعامل قبل العلم.. وحسن الكلام قبل الكلام.. ليه يابابا متعلمناش كل دا.. ليه يا بابا متزرعوش فينا كل الحب.. نفسى أشوفك يا بابا.. تعلمنى ده؟!
