ما تقولشِ كُنّا وكان.. وإحنا أصحاب أول حضارة للإنسان.. قول إحنا فين الآن.. من حضارة هذا الزمان.. ده إحنا تأخرنا كتير.. من ظلم الإنسان.. لأخوه الإنسان.. خلاص يا ابن بلدى.. راح زمن الحواديت.. وكان ياما كان.. وما تقولش كُنَا أُسود البر.. وفى البحر وحوش وحيتان.. وياما خُضنا معارك.. وكُنّا فى الحروب.. أعظم فرسان.. قول هنعمل إيه لبلدنا عشان نخليها.. فى أعلى مكان.. بالعمل والجهد.. نبنى ونعمّر.. ونعلى البنيان.. بالعلم والإيمان هنتقدّم.. مش بالشعارات.. والصوت الرنّان.. عشان ننهض ببلدنا من تانى.. لازم نقضى ع الديابة.. وننصر الغلبان.. بس نُخلص النية.. ونهتم بالقضية.. ونقضى ع الفساد.. اللى انتشر فى كل مكان.. ساعتها هنقول.. بأعلى صوت.. إحنا أصحاب.. أول حضارة للإنسان!!
مدير عام سابق
