فكر جديد.. فكر قديم.. مش دى القضية.. القضية.. إنى عايز أعيش مواطن.. مواطن عادى.. أسكن بلادى.. مش فى بلادى.. أكون غريب.. والغريب يملك بلادى.. نفسى أسكن بلادى.. وأمشى فى الشارع مش خايف.. لأنى عارف.. إنى مواطن.. لا هتتبهدل كرامتى.. ولا فى الأرض تتمرمط عمامتى.. ولا تتلفقلى قضية.. نفسى أسكن بلادى.. وأرضها تبقى أرضى.. وبرجها يبقى برجى.. لما أشتاق لبلادى مرة.. يبقى هو نور عينى.. ونيلها يبقى هو نيلى.. نفسى خيرها يبقى لى.. مش لغيرى.. نفسى أسكن بلادى.. يبقى لى فيها شقة.. لجل أتجوز بهية.. مش مهم هناكل إيه.. انشالله ناكل عيش ودقة.. نفسى أرجع لبلادى.. أو ترجع هى لىّ.. المهم نعيش سوا.. نفسى أوى فى العدل.. الحق.. الديمقراطية.. نفسى أتنفس هوا.. وأداوى قلبى اللى انكوى.. من عدل غاب.. وحق غاب.. وقانون الغاب.. نفسى يتحول سراب.
