لما الضلمة تضلم أكتر.. وزراير روحك تنفك.. وعيون تقدر تخنق حلمك.. وقلوب على عمرك تتك.. عافر بردوم أوعى تسلم.. اكتب لو منعوك تتكلم.. ارسم وردة بره السور.. وقفص معرفهوش عصفور.. اعزف لحن لبكرة جديد.. واعمل م الحرية نشيد.. بكرة بتاعك إنت لوحدك.. مهما يطول ضربك على خدك.. مهما تشوف جلاليب ودقون.. بتقولك فى النار هتكون.. مهما تشوف عصيان وسلاسل.. وجنود من شعبك الباسل.. بتدوس على حلمك قدامك.. وتزوق بإيديها لجامك.. خليك يا صاحى جوة الحلم.. واعمل م الحرية نشيد.. بكرة بتاعك إنت لوحدك.
