الحسابات.. ملهاش فى الشعر.. لا ينفع وياها السرحان.. أصل ميزان الفكرة.. قايم على ربح الشركة.. أما الوضع العام.. مصدر إلهامه.. بكام وبإيه.. منه وإليه.. دائن ومدين.. هتقولى حزين.. إكمن الشغل.. ملوش فى قلوب البنى آدمين.. وإكمن الصبح.. بتحسب حسابات بالملايين.. وفى ليلك بتكون من الملامين.. طب حاسب.. حاسب.. وانت بتتوضى قبل النوم بهموم الناس.. حاسب وانت بتحلم.. لما بيرفض وجدانك يتقاس.. حاسب لما بتعلن أم البورصة.. وأما بتهرب من فرصة لفرصة.. وتصير عصفور فى براح الأرض.. حاسب لتسجل باقى الحلم فى قرض.. وتكون مديون بالفرض.. فى الميزانية التانية!!
