الشر ليه جواك دفين؟ جاى تخلى العيشة طين
جاى بتشعل نار وفتنة إمتى إرهاب يبقى دين؟!
جاى تهدد ناس بريئة جاى تخون تنصب كمين؟
مين عطاك الحق تقتل؟ تنسف وتدبح مظلومين
كل دين قال التسامح والعطف يرعى المحرومين
مهما ريح عدت علينا مصر مش ممكن تلين
مصر جامع فيه أذان شوف الكنيسة جرس رنين
تاريخنا يعزف لحن حب عايشة بيه طول السنين
مركبنا ماشية لبر أمان راعيها المولى من الحاقدين
قلب نابض بالمحبة مرسومة أحلام فوق الجبين
لو شوكة جات لحد فينا كلنا يصبح حزين
العيد بييجى الكل يفرح وف هم واحد مجروحين
لو حب سابنا أكيد يتوه لو سابنا حب يروح لمين؟
ياما قبلك شر جانا شاف أسود حامية العرين
شاف قلوب بالحب تهتف الله محبة تقول أمين
ساب بلادنا طار بعيد حلف وأقسم ميت يمين
مصر مش ممكن هتحزن أو حتى تبكى فى يوم أنين
مصر الوطن والشعب واحد حتى الوشوش متوحدين
