عايزك ترجع حبة بفكرك.. لـ(أديس أبابا) واللى حصلك.. لما المولى كده زاح عنك.. سهم الغدر وعُدت لأهلك.. وكل الشعب اتجمع عندك.. ودعى المولى يستر أصلك.. ولا فى معارضة هتفت ضدك.. ولا فى مؤامرة نالت منك.. علشان كده أنا نفسى أقولك.. إلحق شعبك قبل ما يهلك.. وإلحق بلدك قبل ما تغرق.. على إيد شلة حوالين منك.. مانعين صوتنا ده يوصلك.. لأجل ما ينهبوا ثروة بلدك.. وعايزك تعرف إنى بأحبك.. وف أكتوبر كنت بقربك.. بأدعى المولى وإنت فى جوك.. وعشان عارفك وعارف قلبك.. طيب وما فيش أحسن منك.. اسمع رأيى الله يعزك.. قبل الشعب ما يزعل منك.. ولا يوم تغضب ناس بتحبك.
