فى مجلس الشعب هيقرروا.. قانون عشان نقل الأعضاء.. من أجل فشة عبدلّا.. يركبوها لعمى بهاء.. وياخدوا بيه قلب السيد.. بالغصب عنه عشان أسماء.. يا خوفى من وقت التطبيق.. ليطبقوه حسب الأهواء.. والموضوع يصبح فى بلدنا.. فرصة ومطمع للتجار.. ويشتغل فيه الحاتى.. ويشتغل فيه الجزار.. وبدال ما يدبح عجالى.. يدبح مغاورى أو مختار.. وبدال ما يكسب خمسة جنيه.. فى الكيلو يلهف ألف دولار.. ويا خوفى لا الدكتور محمود.. ضميره يطفش لاجل المال.. يدفن مريضه قبل الموت.. علشان ياخد منه طحال.. وكلية م الجنب الأيمن.. تركب بديل لرجل أعمال.. ويا خوفى من هذا القانون.. ما يكونش شرعى ولا ابن حلال.
مهندس زراعى
مكافحة الآفات - وزارة الصحة
