بناديلك يا نيل نبعك هنا فى قلبى.. بناديلك.. تشيل الآه من دربى.. بناديلك.. تلملم شمل أحبابى.. تناديهم.. وألاقيهم.. فى ثانية يدقوا على بابى.. فى أحضانهم.. أداوى جراحى.. وأحكيلهم.. عن الحاضر.. عن الآتى.. عن اللى كان فى أوقاتى.. عن الأحزان.. عن الحلم اللى ضاع منى.. عن الدنيا بلا ألوان.. وآخد إيدك.. بناديلك يا سيل فايض على خدودى.. تاخدنى بعيد.. لحلم جديد.. بتشرق شمسه فى حدودى.. بناديلك.. ترجّعلى الحنان تانى.. ويملانى.. يخضرّ زرع بستانى.. تعودلى الروح.. وأفك جروح محاصرانى.. يا نيل فينك.. بناديلك.. بناديلك.. ويا ريتك بتسمعنى.. بناديلك.. وصمت اليأس مانعنى.. من التعبير.. يا قلب كبير.. وساكن جوه فى ضلوعى.. بناديلك.. ترش الورد فى ربوعى.. تلاقينى.. تدارينى.. يا حلم ساكن دواوينى.. بناديلك.
Rana_thepharmacist@yahoo.com
