خلصت خلاص يا سادة.. الانتخابات والإعادة.. وكأن شيئا لم يكن.. وكله حايرجع كالعادة.. وعلى بختى ما عاييش بطاقة.. من التصويت أنا براءة.. إنسان مسالم على الفطرة.. خالقنى ربى لى طاقة.. ما أفهمش إيه معنى الأحزاب.. مين الصادق ومين الكذاب.. المصرى لو قلبه على أخوه.. ما يذوق فى يوم شىء من العذاب.. خلاص وخلصت التواشيح.. ناس كانت تهلل للترشيح يبخروا إما بعنبر.. حسب اللى يدفع إما بشيح.. ناس فاكرة إنها ذكية.. للأحلاف مشتكية.. وتنادى يا حقوق إنسان.. وزع إنت التكية.. يفط كتيرة من القماش.. وناس عمرها ما تكون ببلاش.. رافعينها وينادوا حبيبنا.. هو وبس غيره ما عاش.. وذبيحة خرفان ويا عجول.. يفرقوا السقط ورجول.. وقبلها كنت بافكر.. استخرج بطاقة وكنت عجول.. حمدت ربى أنا صوتى حر.. الانتخابات عندنا ماتسر.. مصر العظيمة فوق الجميع.. والشعب للعدو فيها يجر.
(فندق سيسل)
