إزاى تخالف أمرهم.. وتدخل منافسة ضدهم.. البلد بلدنا ومؤمنة.. بس العساكر عندهم.. والإذاعة والبضاعة.. والنفخ فى ودان عجلهم..والمذيعة والمذيع.. والشنيع ابن الفظيع.. أعضاء فى لجنة حزبهم.. والحرامى ابن الحرامى.. والصهاينة فى صفهم.. يا حبيب الشعب دايما.. إنت شوكة فى جنبهم.. هيفشوا فيك غلهم.. اسمع جميع كذبهم.. أبوك زمان.. عض صاحبة كلبهم.. أمك بهية.. نشرت غسيل.. فوق غسيل أمهم.. أنت طماع البلد.. !!! عايز حقوقك منهم.. يبقى أنت محقوق.. وعليك فلوس لهم.. يبقى أنت محظور.. ممنوع تكون وسطهم.. وانت مدسوس.. وأنت متعوس.. وناوى تاكل أكلهم.. وأنت مصرى وابن مصرى.. من جنس غير جنسهم.. شكراً جزيلاً يا صديقى.. انت موش منهم!!
