نظر، سمع، شم، تذوق، لمس؟.. ممكن تكون الحياة نفس طالع ونفس داخل؟.. ممن تكون الحياة مجرد أكل وشرب ولبس؟.. لو كان الأمر كده وبكرة يبقى النهارده وبعدين أمس.. ناكل ونشرب لأننا غداً نموت.. آدى إحنا عايشين وبس.. ناس كتير على سطح الأرض أموات.. لا صوت يعلو لهم ولا همس.. وكم فى بطن الأرض من أحياء.. بيغيبوا عن العين ولكن ذكرهم شمس.. الحياة إيمان بأن الله موجود.. ناس محتاج لهم ومحتاجين لىَّ.. مساعدة الآخر دى وصية المعبود.. الواحد قليل بنفسه كثير بالآخرين.. اعمل الخير وارميه البحر أكيد حيعود.. واللى يقدم السبت يلقى الحد قدامه.. وكل واحد باللى يقدر عليه يجود.. اللى ينحت ويحفر اسمه على صخر الحياة.. يعرق.. يتعب أكيد حيلاقى الثمر، من جد وجد.. عايز تعرف معنى الحياة؟.. عيش الحياة.
مهندس
tawfik.mikhail@gmail.com
