وزير فى المجلس الكل بيعمله حساب.. مين يقدر يعمله استجواب.. عايز يخدم الشعب والأحباب.. مخدمش ليه من منصبه بالترحاب.. هايخدم إزاى يا أولى الألباب.. بلد بدون معارضة ولا نواب.. أكيد يكون الشعب والحكومة أصحاب.. والعيش والسكر بيوصل لحد الباب.. والحديد والمون أرخص من التراب.. الشعب فى ملل من الرفاهية والألعاب.. والانتخابات نزيهة بين الأحزاب.. والذئب يحرس الغنم بدلاً من الكلاب.. وفاض المال من المكتب والدولاب.. وتزوج كل الشباب العزاب.. وقلب الشعب فى حب الحكومة داب.. لتأميم الشركات بعد طول عذاب!!
