اللى ناجحة سقطوها.. واللى ساقطة نجحوها.. هم، عاوزين يصلحوها.. ولا ناويين يخربوها.. المواطن طول حياته.. خوف معشش جوه ذاته.. والكشوف فيها اللى ماتوا.. والنزاهة مات أبوها.. كل مرة تمثيلية.. والنتيجة هى هى.. والأمور صبحت عادية.. حتى همّ اتعودوها.. الكشوف دايماً معاهم.. ليه بتسأل م أنت فاهم.. والنتيجة من عماهم.. غلطوا لما زوروها!.. بلطجة وسنجة ومقشة.. ظلم فوق الناس تفشى.. إمشى ياللا كفاية دوشة.. اكتساح من غير مناسبة.. زور وكدب بدون محاسبة!! مسرحية فى كل مرة.. بيرسموها ويخرجوها.. والفضيحة جوه بره.. بس همّ يكدبوها!
رابطة الزجالين وكتاب الأغانى
