أيوه يا شعبى يا مش عويم.. وهتخرج فسحة فى النيل.. وقائد المركب حلو رزين.. وهيطلع بينا جوه النيل.. هُب طلعنا فى جو جميل.. بس شوية المركب مالت.. الحق قائد قوم اتخانق.. أيوه المركب تغرق بينا.. رد وقال ده مش بإيدينا.. يا عم القائد دخلنا لجوه.. اسكت ياد إنت وهو.. بس الوضع كده خطير.. أنا سايق وبكل ضمير.. أيوه يا قائد واحنا معاك.. بس المركب مش ريداك.. والله فيها حمولة زيادة.. والله أى كلام زيادة.. الزايد هرميه فى النيل.. ومركبنا ماشية بضمير.. مع خطة وحبة شفافية.. الحق قائد مركب مالت.. ده كلامكو والرغى كتير.. دى ماشية تمام حلوة على الكل.. بس يا قائد دى المركب تغرق.. وعمالة تخش يمين.. لأ ده انتوا يا جماعة مش حاسين.. أنا معاكو أهو وياكم.. وهاوصلكوا بكل ضمير.. بس أنا نازل فى اللنش الجاى.. كملوا انتوا وما تخافوش.. ده المركب مافيهاش خوف.. وهتوصلوا بالسلامة.. ومفيش أبداً أى ندامة.. أما أنا لازم أعيش.. وانتوا أناس بس ما فيش.. لو غرقتوا أنا عايز أعيش.. علشان أكمل والله مسيرة.. أيوه أنا أعمالى عظيمة.. يا نهار أبيض مركب غرقت.. الحمد لله جت سليمة.. هنعوضها بالخطة الجاية.. خطة ما بعد الخمسية!!
service@compusoul.com
