معذور الشعب.. لو بات مكسور.. لو بات مقهور.. لو بات مغلوب على أمره.. معذور الشعب.. الضحكة بترفض توصله.. مفرحش فى عمره.. متعجب ما اللى بيحصله.. مخنوق ليه قمره.. مكتوب لو يفرح.. الفرحة ما تعدى دقيقة.. والبسمة قبل ما تصبح ضحكة.. تلقاها قتيلة.. رسموا النسر على الخدين.. وتلت الوش بات أسمر.. وتلت يمينه كان أحمر.. وكان أبيض ما بين التلتين.. لكن الفرحة ما بتكمل.. قبل ما يترفع علمك.. تلقى نسرنا فرفر.. معذور الشعب.. فى طابور الحزن متجرجر.. وراجع نقطة الأولى.. طابور العيش.. مقسوم الشعر.. نص يغنى هتعيشى.. ونص يقول له هات عيشى.. مخنوق الشعب.. مدح غراب عن نسر.. فقال الذئب دى عريشى.. معذور الشعب!!
