أنا وأخويا على ابن عمى.. وأنا وابن عمى على الغريب.. أما العجيب، لما أكون مع الغريب على أخويا وابن عمى وده مريب!! طب إيه المفيد؟. لما أبيع نفسى ودماغى وأفضل أتكلم وألاغى؟.. إيه المفيد؟ ليه بنسى نفسى ساعات وألبس قناع واسع علىّ وكله عارف إنه قناع؟! وأنا بس اللى مقتنع من جوايا إنه مش باين الخداع.. ليه بتكبر على رمل الصحارى وصهيل الحصان؟.. ليه بلون نفسى بألوان مش بتاعتى.. وأنا لونى لون الجبال؟ ليه بنسى إنى عربى وإنى مش بياع كلام؟ ليه بنسى إن أرضى أغلى ركن فيها ضاع؟ ليه ببيع مبادئى ليه؟ ليه بغير شكلى ليه؟ ليه وألف ليه.. ولا عمر سؤالى حد حيعرف يجاوب عليه!!
تجارة إنجليزى
