كله بيجرى.. زى ما يكون جعان.. لكنه جرى فى المكان.. طريق طويل.. وشارع مقفول.. من أوله لحد الميدان.. وأنا واقف خجلان.. مخنوق من الزحام.. أتوبيس ده يعالم.. ولا مُرستان.. كله بيجرى.. ولسه هننزل نفق.. ونطلع كوبرى.. ولا يوم فى مرة.. مشينا دوغرى.. وكله بيجرى.. فى إشارة دايمًا مقفولة.. والناس بقت مخبولة.. أتوبيس ومليان على آخره.. يركبوه ويقولوا حاسبوا.. وكله بيجرى.. ولا ميكروباص فاضى.. ولا حتى كرو بينادى.. وحتى الزحمة بقت عادى.. وأنا واقف قصادى.. واحد زنان عمال يهاتى.. بقاله زمان أتوبيس ده يعالم.. ولا مُرستان؟!
