بعد ما إديتك صوتى خلاص انتخبت.. وبتفكر تنهينى إنت وكل التخت.. دلوقتى خلاص جه معاد موتى.. وأنت اللى بكرة سارق قوتى.. انشالله يا سيدى تكون ارتحت.. وانت اللى واكل حقى زهقت منى خلاص.. عايز تضربنى دى الوقت بطلق رصاص.. عايزنى أنافقك وأعيش رقاص.. فكرك ح يموت فىّ الاحساس.. أنا مش وحدى ف وسط الناس فتحت.. مجلس عالى مفيهش معارضه.. وكل إجوانه بتيجى فى العارضة.. وصاحب كرامات بس إحنا المرضى.. ومهما نقول ونعيد ونزيد.. هو دراعه وزنده حديد.. وأى معارضة معاه ما تفيد.. من كتر الجرى وراه اتكسحت.. شفت بعينى معاك تزوير.. ومرشح غطا والحزب الزير.. وعنده حصانة ولا أحلى وزير.. وبكره ياما نلبس طراطير.. وانت ح تطلع بس مسيرك تنزل تحت.
