خفافيش النور بيعميها.. وتخاف من النهار.. لو بصت للشمس يوم.. الشمس تكويها.. وتحرقها زى النار.. وما أكتر الخفافيش.. فى بلاد مافيهاش شاويش.. فى بلاد الحق فيها.. دايماً فى احتضار.. وزى ماتقول تقول.. كله عندنا معقول.. وحرامى تسأله.. المال دا جالك منين.. يقولك: حر مالى.. مالك إنت ومالى.. أنا جدى باشا وأبويا بيه.. ويرفع راسه لفوق.. ويقولك باحتقار.. اصحى ياد وفوق.. أنا م الناس الكبار..بياعين كلام.. ومتاجرين بالسلام.. أدب وشعر ومعظمة.. والكدب عايز معلمة.. خفافيش ماتخافش غير م الشمس وم النهار.. خفافيش طليقة حرة وأنت فينك يا نور.. مرتاح فى السجن ولا.. نفسك تقوم تثور.. راجع والفجر راجع.. ولا الزمان بيدور.. وبقينا نشوف ياعجبى.. خفافيش فى بلادنا عايشة على حساب النسور.
طب إسكندرية
